ଯଦି ଆପଣ କମ୍ ପାଣି ପିଉଛନ୍ତି , ତେବେ ସାଂଘାତିକ ସ୍ବାସ୍ଥ୍ୟ ସମସ୍ୟାକୁ ସାମ୍ନା କରିବାକୁ ପଡିପାରେ

ଦିନକୁ ଆପଣ କେତେ ଲିଟର ପାଣି ପିଉଛନ୍ତି?? ଆମ ଶରୀରର ୭୦ ପ୍ରତିଶତ ହେଉଛି ପାଣି, ହୁଏତ କେବେ ହିସାବ କରି ପାଣି ପିଉନଥିବେ। ହେଲେ ଆପଣ ଜାଣନ୍ତି, ସୁସ୍ଥ ରହିବାକୁ ଜଣେ ପୁରୁଷ ଦିନକୁ ପ୍ରାୟ ୩-୪ ଲିଟର ଓ ଜଣେ ମହିଳା ପ୍ରାୟ ୨ -୩ ଲିଟର ପାଣି ପିଇବା ଆବଶ୍ୟକ। ଯଦି ଆପଣ କମ୍ ପାଣି ପିଉଛନ୍ତି , ତେବେ ସାଂଘାତିକ ସ୍ବାସ୍ଥ୍ୟ ସମସ୍ୟାକୁ ସାମ୍ନା କରିବାକୁ ପଡିପାରେ।

ଆସନ୍ତୁ ଜାଣିବା ପାଣି କମ୍ ପିଇବା ଦ୍ଵାରା କି କି ପ୍ରକାର ସ୍ୱାସ୍ଥ୍ୟ ସମସ୍ୟା ଦେଖାଯାଏ।

୧. ଆମ ଶରୀରର ୭୦ ପ୍ରତିଶତ ହେଉଛି ପାଣି। କମ ପାଣି ପିଇବା ଦ୍ୱାରା ଶରୀରର ପ୍ରାୟ ସବୁ ଅଂଶ ଠିକ୍‌ରେ କାମ କରି ନ ଥାଏ। ଫଳରେ କୌଣସି କାମରେ ମନ ଲାଗି ନ ଥାଏ।

୨. ଆବଶ୍ୟକ ପରିମାଣର ପାଣି ଶରିରରେ ନ ଥିଲେ ଆମର ହଜମ ଠିକ୍‌ରେ ହୋଇ ନ ଥାଏ। ଫଳରେ ଗ୍ୟାସ୍‌ ସମସ୍ୟା ସୃଷ୍ଟି ହୋଇଥାଏ।

୩. ପାଣି କମ ପିଇବା ଦ୍ୱାରା ଶରୀରରେ ସୃଷ୍ଟି ହେଉଥିବା ବ୍ୟାକ୍ଟେରିଆ ବାହାରକୁ ଯାଇପାରି ନଥାଏ। ଫଳରେ ମୂତ୍ରାଶୟରେ ଇମ୍ଫେକ୍ସନ ହେବାର ଆଶଙ୍କା ବଢିଯାଇଥାଏ।

୪. କମ ପାଣି ଯୋଗୁଁ ମସ୍ତିଷ୍କକୁ ଅମ୍ଲଜାନ ପ୍ରଦାନ କରିବାରେ ହାର୍ଟକୁ ଅଧିକ ଜୋର ଲଗାଇବାକୁ ପଡିଥାଏ। ଏହାଦ୍ୱାରା ହୃଦ୍‌ସ୍ପନ୍ଦନ ବଢିଯିବା ସହ ଥକ୍କାପଣ ବଢି ଯାଇଥାଏ।

୫. କମ ପାଣି ପିଇବା ଦ୍ୱାରା ଆଖିରେ ଡ୍ରାଇନେସ୍‌ ବଢିଥାଏ। ଫଳରେ ଆଖିରେ ପୋଡାଜଳା ହେବା ସହ କୁଣ୍ଡାଇ ହୋଇଥାଏ।

୬.  ପାଣି କମ୍ ପିଇବା କାରଣରୁ ମସ୍ତିଷ୍କକୁ ପର୍ଯ୍ୟାପ୍ତ ଶକ୍ତି ମିଳି ନ ଥାଏ। ଫଳରେ କାମ କରିବାକୁ ମସ୍ତିଷ୍କକୁ ଅଧିକ ଜୋର ଲଗାଇବାକୁ ପଡ଼ିଥାଏ। ଏପରି ହେଲେ ହାଲିଆ ଲାଗିଥାଏ।

୭. ପାଣି କମ ପିଇବା ଦ୍ୱାରା ଶରୀରରେ ଏନର୍ଜି ସ୍ତର କମି ଯାଇଥାଏ। ଫଳରେ ମୁଣ୍ଡ ବୁଲାଇ ଥାଏ।

୮. କମ ପାଣି ଯୋଗୁଁ ମସ୍ତିଷ୍କ ଠିକ୍‌ରେ କାମ କରି ନ ଥାଏ ଓ ମୁଣ୍ଡବିନ୍ଧା ପରି ସମସ୍ୟା ଦେଖା ଦେଇଥାଏ।

୯. ଶରୀରରେ ପାଣି ଅଭାବରୁ ଜଳୀୟ ଅଂଶ କମିଯାଇଥାଏ। ଫଳରେ ଚର୍ମ ଶୁଷ୍କ ପଡିଯିବା ସହ ରୁଖା ହୋଇଯାଇଥାଏ।

୧୦. କମ ପାଣି ପିଇବା ଦ୍ୱାରା ମୁହଁରେ ବ୍ୟାକ୍ଟେରିଆ ସୃଷ୍ଟି ହୋଇଥାଏ। ଯାହାଦ୍ୱାରା ମୁହଁରୁ ଦୁର୍ଗନ୍ଧ ବାହାରିଥାଏ।